4000 കോടി രൂപ വിലമതിക്കുന്ന കൊട്ടാരം 8 ജെറ്റുകൾ 700 കാറുകൾ;ലോകത്തിലെ അതിസമ്പന്നമായ അൽ നഹ്യാൻ രാജകുടുംബം

അബുദാബിയിലെ അൽ നഹ്യാൻ രാജകുടുംബം ലോകത്തിലെ ഏറ്റവും സമ്പന്നരാണ്, 4,000 കോടി രൂപയുടെ പ്രസിഡൻഷ്യൽ കൊട്ടാരം (മൂന്ന് പെന്റഗണുകൾക്ക് തുല്യം), എട്ട് സ്വകാര്യ ജെറ്റുകൾ, ഇംഗ്ലീഷ് ഫുട്ബോൾ ക്ലബ് മാഞ്ചസ്റ്റർ സിറ്റിയുടെ ഉടമസ്ഥരും നിലവിൽ അൽ നഹ്യാൻ രാജകുടുംബത്തിനാണ്.

മുകേഷ് അംബാനിയുടെയും ഗൗതം അദാനിയുടെയും സംയുക്ത സമ്പത്തിനെ മറികടക്കുന്ന ആസ്തിയാണ് അൽ നഹ്യാൻ രാജകുടുംബത്തിനുള്ളത്.

MBZ എന്നറിയപ്പെടുന്ന യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനാണ് കുടുംബത്തെ നയിക്കുന്നത്. അദ്ദേഹത്തിന് 18 സഹോദരന്മാരും 11 സഹോദരിമാരും ഒമ്പത് മക്കളും 18 പേരക്കുട്ടികളുമുണ്ട്.

അബുദാബിയിലെ കസർ അൽ-വതൻ പ്രസിഡൻഷ്യൽ പാലസിലാണ് അവർ താമസിക്കുന്നത്, 94 ഏക്കർ എസ്റ്റേറ്റിൽ 350,000 ക്രിസ്റ്റൽ ചാൻഡിലിയറുകളുള്ള കൊട്ടാരമാണ് കസർ അൽ-വതൻ പ്രസിഡൻഷ്യൽ പാലസ്. 2019-ൽ, ഷെയ്ഖ് മുഹമ്മദ് ബിൻ സായിദും മുഹമ്മദ് ബിൻ റാഷിദ് അൽ മക്തൂമും കൊട്ടാരം പൊതുജനങ്ങൾക്കായി തുറന്നുകൊടുത്തിരുന്നു.

അബുദാബി എമിറേറ്റ് ഭരിക്കുന്ന അൽ നഹ്യാൻ രാജകുടുംബത്തിന് 305 ബില്യൺ ഡോളർ (25,38,667 കോടി രൂപ) ആസ്തിയുണ്ട്, 2023 ൽ വാൾമാർട്ട് ഇങ്കിന്റെ അവകാശികളുടെ ആസ്തിയായ 232.2 ബില്യൺ മറികടന്ന് ലോകത്തിലെ ഏറ്റവും സമ്പന്ന കുടുംബമായി മാറിയെന്ന് ബ്ലൂംബെർഗ് റിപ്പോർട്ട് ചെയ്യുന്നു.

സ്‌പേസ് എക്‌സിലും റിഹാനയുടെ ഫെന്റിയിലും ഈ കുടുംബത്തിന് ഓഹരിയുണ്ട്, കൂടാതെ ലോകത്തെ എണ്ണ ശേഖരത്തിന്റെ ഏകദേശം 6 ശതമാനവും സ്വന്തമാക്കി.

ആമസോൺ സ്ഥാപകൻ ജെഫ് ബെസോസിനെപ്പോലും മറികടന്ന് ലോകത്തിലെ ഏറ്റവും വലിയ മെഗായാച്ചുകളിൽ ചിലത് ലോകത്തിലെ ഏറ്റവും സമ്പന്നമായ ഈ കുടുംബത്തിന് സ്വന്തമാണ്.

പ്രസിഡന്റിന്റെ ഇളയ സഹോദരൻ ഷെയ്ഖ് ഹമദ് ബിൻ ഹംദാൻ അൽ നഹ്യാന്റെ കൈവശം അഞ്ച് ബുഗാട്ടി വെയ്‌റോൺ, ലംബോർഗിനി റെവെന്റൺ, മെഴ്‌സിഡസ് ബെൻസ് CLK GTR, ഒരു ഫെരാരി 599XX, ഒരു മക്ലാരൻ MC12 എന്നിവയ്‌ക്കൊപ്പം ലോകത്തിലെ ഏറ്റവും വലിയ എസ്‌യുവി ഉൾപ്പെടെ 700-ലധികം കാറുകളുടെ ശേഖരമുണ്ട്.

യുഎഇയിലെ അവരുടെ വീടിന് പുറമേ, പാരീസിലും ലണ്ടനിലും ഉൾപ്പെടെ ആഗോളതലത്തിൽ ദുബായ് റോയൽസിന് ആഡംബര സ്വത്തുക്കളുണ്ട്. യുകെയിലെ ഏറ്റവും പ്രശസ്തമായ പ്രദേശങ്ങളിലെ സ്വത്തുക്കളുടെ വിപുലമായ ശേഖരണം കാരണം കുടുംബത്തിന്റെ മുൻ ​ഗൃഹനാഥൻ “ലണ്ടൻ ഭൂവുടമ” എന്നാണ് അറിയപ്പെട്ടിരുന്നത്.

ബ്രിട്ടീഷ് രാജകുടുംബവുമായി താരതമ്യപ്പെടുത്താവുന്ന സ്വത്തുക്കൾ ദുബായ് രാജകുടുംബത്തിന് ഉണ്ടെന്നാണ് കണക്കുകൾ സൂചിപ്പിക്കുന്നത്. മാഞ്ചസ്റ്റർ സിറ്റി, മുംബൈ സിറ്റി, മെൽബൺ സിറ്റി, ന്യൂയോർക്ക് സിറ്റി ഫുട്ബോൾ ക്ലബ്ബുകൾ നടത്തുന്ന സിറ്റി ഫുട്ബോൾ ഗ്രൂപ്പിന്റെ 81 ശതമാനം ഓഹരികൾ സ്വന്തമാക്കി അബുദാബി യുണൈറ്റഡ് ഗ്രൂപ്പ് 2008ൽ മാഞ്ചസ്റ്റർ സിറ്റിയെ 2,122 കോടി രൂപയ്ക്കാണ് സ്വന്തമാക്കിയത്.