അബുദാബിയിൽ റോഡിന് നടുവിൽ വാഹനം നിർത്തി; തുടരെ അപകടങ്ങൾ – വൈറലായി വീഡിയോ

അബുദാബി: അബുദാബിയിൽ റോഡിന് നടുവിൽ വാഹനം നിർത്തിയതിനെ തുടർന്ന് അപകടം. ഒരൊറ്റ വാഹനം കാരണം വലിയ അപകടമാണ് റോഡിൽ ഉണ്ടായത്.

ഒരു കാരണവശാലും റോഡിന് നടുവിൽ വാഹനം നിർത്തരുതെന്നും റോഡ് ഉപയോഗിക്കുന്നവരുടെ സുരക്ഷ ഉറപ്പാക്കാൻ ഏറ്റവും അടുത്തുള്ള എക്സിറ്റിലേക്ക് പോകണമെന്നും അബുദാബി പോലീസ് ട്രാഫിക് ആൻഡ് സെക്യൂരിറ്റി പട്രോൾസ് ഡയറക്ടറേറ്റ് വീണ്ടും ഡ്രൈവർമാരോട് അഭ്യർത്ഥിച്ചു.

ഏതെങ്കിലും തരത്തിൽ വാഹനമോടിക്കുന്ന സമയത്ത് വാഹനം നീക്കാൻ കഴിയാത്ത സാഹചര്യത്തിൽ, വാഹനമോടിക്കുന്നവർ ഉടൻ തന്നെ കമാൻഡ് ആൻഡ് കൺട്രോൾ സെൻ്റർ 999 (ഓപ്പറേഷൻ റൂം) മായി ബന്ധപ്പെട്ട് അപകടങ്ങൾ ഒഴിവാക്കുന്നതിന് ആവശ്യമായ പിന്തുണ സ്വീകരിക്കണമെന്ന് ഡയറക്ടറേറ്റ് ചൊവ്വാഴ്ച ഒരു സോഷ്യൽ മീഡിയ പോസ്റ്റിൽ അറിയിച്ചു.

#أخبارنا | #شرطة_أبوظبي تحذر من مخاطر التوقف في وسط الطريق

التفاصيل:https://t.co/t19VHx4JN7 pic.twitter.com/VVile1IBQ5

— شرطة أبوظبي (@ADPoliceHQ) March 26, 2024

വാഹനങ്ങൾ തകരാറിലാകുമ്പോൾ റോഡിൽ നിന്ന് മാറി നിൽക്കാനും അത്യാവശ്യ സന്ദർഭങ്ങളിൽ റോഡിൻ്റെ വലത് വശം ഉപയോഗിക്കുന്നത് പോലെയുള്ള, അടിയന്തര സാഹചര്യങ്ങൾക്കായി നിയുക്ത സ്ഥലങ്ങൾ ഉപയോഗിക്കാനും ഡ്രൈവർമാരോട് ആവശ്യപ്പെടുന്നു.

വാഹനമോടിക്കുമ്പോഴുള്ള ശ്രദ്ധക്കുറവ് നിയമപരമായ ഉത്തരവാദിത്തത്തിന് വിധേയമാകുന്നതിന് പുറമെ പലപ്പോഴും മരണത്തിലേക്കും ഗുരുതരമായ പരിക്കുകളിലേക്കും നയിക്കുന്ന ട്രാഫിക് അപകടങ്ങൾക്ക് കാരണമാകുമെന്ന് ഡയറക്ടറേറ്റ് മുന്നറിയിപ്പ് നൽകി.