7.88 ബില്യൺ ദിർഹത്തിന്റെ കച്ചവടം; എക്കാലത്തെയും മികച്ച വിൽപ്പനയുമായി ദുബായ് ഡ്യൂട്ടി ഫ്രീ

ദുബായ്: 2023-ൽ ദുബായ് ഇന്റർനാഷണൽ എയർപോർട്ട് വഴി യാത്ര ചെയ്യ്ത ഭൂരിഭാ​ഗം യാത്രക്കാരും ദുബായ് ഡ്യൂട്ടി ഫ്രീ സെയിൽസിൽ മികച്ച ഷോപ്പിം​ഗ് നടത്തിയതായാണ് പുറത്തുവരുന്ന കണക്കുകൾ സൂചിപ്പിക്കുന്നത്.

7.88 ബില്യൺ ദിർഹത്തിന്റെ (2.16 ബില്യൺ ഡോളർ) റെക്കോർഡ് വിൽപ്പനയാണ് ദുബായ് ഡ്യൂട്ടി ഫ്രീ ഷോപ്പിൽ നടന്നിരിക്കുന്നത്. മുൻ വർഷങ്ങളിലേക്കാൾ റെക്കോർഡ് വിൽപ്പനയാണ് 2023 അവസാനം ഡിസംബർ മാസത്തോടെ നടന്നിരിക്കുന്നത്. 2022-നെ അപേക്ഷിച്ച് 24.39 ശതമാനം വർധനവാണ് കഴിഞ്ഞ വർഷം രേഖപ്പെടുത്തിയത്.

2019-ലെ പകർച്ചവ്യാധിക്ക് മുമ്പുള്ളതിനേക്കാൾ 6.40 ശതമാനം വർധനവാണ് ഇതെന്നും അധികൃതർ വ്യക്തമാക്കി. 2022 ലെ കണക്കുമായി താരതമ്യം ചെയ്യുമ്പോൾ 8.37 ശതമാനം വർധന – 807.6 മില്യൺ ദിർഹം (221 മില്യൺ ഡോളർ) എന്ന റെക്കോർഡാണ് 2023 ലേത്.

ദുബായ് ഡ്യൂട്ടി ഫ്രീയുടെ 40-ാം വാർഷിക പ്രമോഷനുകളുടെ ഭാ​ഗമായി ഡിസംബർ 20-ന് 25 ശതമാനം കിഴിവ് ലഭ്യമായപ്പോൾ വിൽപ്പന തകൃതിയായി നടന്നു. കിഴിവ് ലഭ്യമായി തുടങ്ങിയപ്പോൾ 24 മണിക്കൂർ നേരം 54.1 ദശലക്ഷം ദിർഹത്തിന്റെ (14.8 മില്യൺ ഡോളർ) ഷോപ്പിംഗ് നടന്ന ദിവസങ്ങളുമുണ്ടായി.