യുഎഇ കാലാവസ്ഥാ മുന്നറിയിപ്പ്: ഷാർജയിൽ കനത്ത മഴ, മൂടൽമഞ്ഞ് – വാഹനമോടിക്കുന്നവർക്ക് മുന്നറിയിപ്പ്

ദുബായ്: അബുദാബിയുടെ ചില ഭാഗങ്ങളിൽ ബുധനാഴ്ച രാവിലെ മൂടൽമഞ്ഞ് അനുഭവപ്പെട്ടതിനാൽ ഡ്രൈവർമാർ റോഡിൽ കൂടുതൽ ജാഗ്രത പാലിക്കണം എന്ന് അധികൃതർ മുന്നറിയിപ്പ് നൽകി. കൂടാതെ ഷാർജയിൽ പെയ്യ്ത കനത്ത മഴയിലും പൊതുജനങ്ങൾക്ക് മുന്നറിയിപ്പ് നൽകിയിട്ടുണ്ട്. നാഷണൽ സെൻ്റർ ഓഫ് മെറ്റീരിയോളജി റെഡ്, യെല്ലോ കാലാവസ്ഥാ മുന്നറിയിപ്പുകൾ പുറപ്പെടുവിച്ചു,

രാവിലെ 10.00 വരെ ഈ പ്രദേശങ്ങളിലെ റോഡുകളിൽ ദൃശ്യപരത കുറവാണെന്ന് വാഹനമോടിക്കുന്നവർക്ക് മുന്നറിയിപ്പ് നൽകിയിരുന്നു. അബുദാബിയിലെ ഗസ്‌യൗറ, മദീനത്ത് സായിദ് (അൽ ദഫ്‌റ മേഖല), അർജാൻ എന്നിവിടങ്ങളിൽ ഇന്ന് രാവിലെയാണ് മൂടൽമഞ്ഞ് റിപ്പോർട്ട് ചെയ്തത്.

ഷാർജയുടെ ചില ഭാഗങ്ങളിൽ എൻസിഎം കനത്തതും മിതമായതുമായ മഴ റിപ്പോർട്ട് ചെയ്തു. പുലർച്ചെ 1:11 ന് ഫുജൈറയിലെ ഔവ്ഹാലയിലും മിതമായ മഴ രേഖപ്പെടുത്തി. വാഹനമോടിക്കുന്നവർക്കും താമസക്കാർക്കും മഴ ബാധിച്ച റോഡുകളിലൂടെ ശ്രദ്ധാപൂർവം വാഹനമോടിക്കാനും താഴ്‌വരകൾ പോലുള്ള വെള്ളപ്പൊക്ക സാധ്യതയുള്ള പ്രദേശങ്ങൾ ഒഴിവാക്കാനും കാലാവസ്ഥാ നിരീക്ഷണ കേന്ദ്രം സുരക്ഷാ മുന്നറിയിപ്പുകൾ നൽകി.

ഉച്ചയോടെ ചിലയിടത്ത് മഴ പെയ്യാൻ സാധ്യതയുണ്ടെന്ന് എൻസിഎം റിപ്പോർട്ട് ചെയ്യുന്നു. പ്രത്യേകിച്ച് കിഴക്ക് – വടക്ക് പ്രദേശങ്ങളായ ഫുജൈറയിലും റാസൽ ഖൈമയിലും. ഷാർജയിലുൾപ്പെടെ ശക്തമായ കാറ്റിന് സാധ്യതയുണ്ടെന്നും റിപ്പോർട്ടുകളുണ്ട്.

തീരപ്രദേശങ്ങളിൽ ഉയർന്ന താപനില 21-26 ഡിഗ്രി സെൽഷ്യസും പർവതപ്രദേശങ്ങളിൽ 12-18 ഡിഗ്രി സെൽഷ്യസും ആയിരിക്കും. ഒമാൻ കടൽ പ്രക്ഷുബ്ധമാകാൻ സാധ്യതയുണ്ടെന്നും റിപ്പോർട്ടുകളുണ്ട്.