യുഎഇയുടെ പല ഭാഗങ്ങളിലും മഴയും ആലിപ്പഴ വർഷവും; ഓറഞ്ച് അലർട്ട് പുറപ്പെടുവിച്ചു

ദുബായ്: യുഎഇയുടെ പല ഭാഗങ്ങളിലും തിങ്കളാഴ്ച മിതമായതോ കനത്തതോ ആയ മഴയും ചെറിയ ആലിപ്പഴ വർഷവും ലഭിച്ചു. നാഷണൽ സെൻ്റർ ഓഫ് മെറ്റീരിയോളജിയുടെ കണക്കനുസരിച്ച് ഷാർജയിലെ വാദി ഹിലോയിൽ കനത്ത മഴയും ആലിപ്പഴ വർഷവും ഉണ്ടായി.

കിഴക്കൻ മേഖലയിലെ കൽബ ഷോക്ക റോഡിൽ മിതമായ മഴയും റാസൽ ഖൈമയിലെ ഷൗക്ക-അൽ മുഇനായ് റോഡിന് ചുറ്റുമുള്ള പ്രദേശങ്ങളിൽ നേരിയ മഴയും പെയ്തു.

അതിനിടെ, മഴയോടും പുതിയ കാറ്റിനോടും ബന്ധപ്പെട്ടുണ്ടായ സംവഹന മേഘങ്ങളുടെ രൂപീകരണത്തിന് സാധ്യതയുള്ളതിനാൽ കാലാവസ്ഥാ വകുപ്പ് ഓറഞ്ച് അലർട്ട് പുറപ്പെടുവിച്ചു.

കാറ്റിൻ്റെ വേഗത മണിക്കൂറിൽ 40 കിലോമീറ്റർ വരെയാകാൻ സാധ്യതയുണ്ട്. കാലാവസ്ഥാ വ്യതിയാനം ഉണ്ടാകുമ്പോൾ അയയ്‌ക്കുന്ന അലേർട്ട്, താമസക്കാർ തയ്യാറായിരിക്കാൻ നിർദ്ദേശിക്കുന്നു