ഷാർജ: ഷാർജ പോലീസ് ജനറൽ കമാൻഡ് ഒരുക്കിയ പോലീസ് ഡെസേർട്ട് പാർക്കിന്റെ അഞ്ചാമത് പതിപ്പിന് ജനുവരി 19 ന് തുടക്കമാകും. വൈകുന്നേരം 4 മണി മുതൽ രാത്രി 10 മണി വരെ മാത്രമേ പാർക്ക് പ്രവർത്തിക്കുകയുള്ളു. ഷാർജയിലെ അൽ ബതാഹിലെ അൽ കഹീഫ് ഏരിയയിൽ ഒരുക്കിയിരിക്കുന്ന പരിപാടി, “ഒരുമിച്ചുള്ള സമയം കൂടുതൽ മനോഹരം” എന്ന സന്ദേശമാണ് നൽകുന്നത്.
ഷാർജയിലെ പോലീസ് സേനാംഗങ്ങളുടെയും അവരുടെ കുടുംബങ്ങളുടെയും പൂർണ്ണ പങ്കാളിത്തത്തിലാണ് പാർക്കിന്റെ രൂപത്തിൽ വേദിയും മറ്റ് സൗകര്യങ്ങളും ഒരുക്കിയിരിക്കുന്നത്.
പൈതൃക ഗ്രാമം, വിനോദ ഗ്രാമം, സാൻഡ് കോർട്ട് കോർണർ തുടങ്ങിയ ഒട്ടെറെ വിനോദപ്രദമായ സൗകര്യങ്ങളും പാർക്കിൽ ഒരുക്കിയിട്ടുണ്ട്. പൈതൃക വിഷയങ്ങൾക്കൊപ്പം സുരക്ഷയും കമ്മ്യൂണിറ്റി പരിപാടികളും സംഘടിപ്പിക്കുന്നതിനുള്ള ഒരു തീയറ്ററും പാർക്കിലുണ്ട്.
ബാർബിക്യൂകൾക്കായി നിയുക്ത പ്രദേശങ്ങളുള്ള ഒരു റെസ്റ്റോറന്റ് കോർണറും 100 പേർക്ക് വരെ ഇരിക്കാവുന്ന ഒരു പ്രാർത്ഥനാ ഹാളും ഇതിൽ ഉൾപ്പെടുന്നു. ഷാർജ പോലീസിന്റെ കറക്ഷണൽ ആൻഡ് പ്യൂണിറ്റീവ് ഇൻസ്റ്റിറ്റ്യൂഷനിലെ അന്തേവാസികൾ റീസൈക്കിൾ ചെയ്ത വസ്തുക്കൾ ഉപയോഗിച്ച് ചരിത്രപരമായ വാസ്തുവിദ്യാ ശൈലിയിലാണ് പ്രാർത്ഥനാ ഹാൾ നിർമ്മിച്ചിരിക്കുന്നത്.
അൽ ബതാഹിലെ ശൈത്യകാലത്ത് നടത്താൻ പറ്റിയ സാഹസീക വിനോദങ്ങളും പാർക്കിൽ ഒരുക്കിയിട്ടുണ്ട്.
+ There are no comments
Add yours