2034 – ​ഫി​ഫ ലോ​ക​ക​പ്പ് ഫുട്ബോൾ; ഖി​ദ്ദി​യ്യ സ്​​റ്റേ​ഡി​യം പ്രധാന വേദിയാകും

റിയാദ്: 2034 ലെ ഫി​ഫ ലോ​ക​ക​പ്പ് ഫുട്ബോളിനുള്ള പ്രധാന വേദികളിലൊരെണ്ണം റിയാദിലെ ഖി​ദ്ദി​യ്യ അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ സ്​​റ്റേ​ഡി​യമായിരിക്കും. ഖി​ദ്ദി​യ്യ ഇ​ൻ​വെ​സ്​​റ്റ്​​മെൻറ്​ ക​മ്പ​നി മാ​നേ​ജി​ങ്​ ഡ​യ​റ​ക്ട​ർ അ​ബ്​​ദു​ല്ല ബി​ൻ നാ​സ​ർ അ​ൽ ദാ​വൂ​ദാണ് ഇക്കാര്യം വ്യക്തമാക്കിയത്.

തു​വൈ​ഖ് പ​ർ​വ​ത​ നിരകൾക്കിടയിൽ അതി മനോഹരമായി കിടക്കുന്ന അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ സ്​​റ്റേ​ഡി​യം ഫുട്ബോൾ ലോകത്ത് കൂടുതൽ സുന്ദരമാകാൻ പോവുകയാണെന്ന് ഇത് സംബന്ധിച്ച പ്രസ്താവനയിൽ അ​ബ്​​ദു​ല്ല ബി​ൻ നാ​സ​ർ പറ‍ഞ്ഞു.

അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ സ്​​റ്റേ​ഡി​യത്തിന്റെ പ്രവൃത്തികൾ പുരോ​ഗമിച്ചു കൊണ്ടിരിക്കുകയാണ്. ലോ​കോ​ത്ത​ര രൂ​പ​ക​ൽ​പ​ന​ക്കും നൂ​ത​ന സാ​ങ്കേ​തി​ക​വി​ദ്യ​ക്കും പു​റ​മേ ലോ​കോ​ത്ത​ര വി​നോ​ദ​വും കാ​യി​ക​മ​ത്സ​ര​ങ്ങ​ളും സം​ഘ​ടി​പ്പി​ക്കാ​ൻ ക​ഴി​യു​ന്ന വി​ധ​ത്തി​ലാ​ണ്​ സ്​​റ്റേ​ഡി​യം നി​ർ​മി​ക്കു​ക. അ​ൽ​ന​സ്​​ർ, അ​ൽ​ഹി​ലാ​ൽ ക്ല​ബു​ക​ളു​ടെ ഹോം ​സ്​​റ്റേ​ഡി​യ​മാക്കി ഖിദ്ദിയ്യ സ്റ്റേഡിയത്തെ മാറ്റാനും പദ്ധതികളുണ്ട്.

നി​ര​വ​ധി പ്ര​ധാ​ന പ്രാ​ദേ​ശി​ക, അ​ന്ത​ർ​ദേ​ശീ​യ ഫുട്ബോ​ൾ മ​ത്സ​ര​ങ്ങ​ൾ​ക്ക് ഈ ​സ്​​റ്റേ​ഡി​യം ആ​തി​ഥേ​യ​ത്വം വ​ഹി​ക്കും. മാത്രമല്ല രാജ്യത്തെ, അല്ലെങ്കിൽ ലോകത്തിലെ തന്നെ ഏറ്റവും മികച്ച കായിക ഇനങ്ങളിലേതും സംഘടിപ്പിക്കാവുന്ന രീതിയിലാണ് സ്റ്റേഡിയം പണി കഴിപ്പിക്കുന്നത്.

റ​ഗ്ബി, ബോ​ക്​​സി​ങ്, മി​ശ്ര ആ​യോ​ധ​ന മ​ത്സ​ര​ങ്ങ​ൾ, ഇ-​സ്പോ​ർ​ട്​​സ്​ ടൂ​ർ​ണ​മെ​ന്‍റു​ക​ൾ, പ്ര​ധാ​ന പ്ര​ദ​ർ​ശ​ന​ങ്ങ​ൾ, സം​ഗീ​ത മേ​ള​ക​ൾ പോ​ലു​ള്ള ഏ​ത്​ പ​രി​പാ​ടി​ക്കും വേ​ദി​യാ​ക്കാ​ൻ ക​ഴി​യും വി​ധം മിനിറ്റുകൾക്കുള്ളിൽ സ്റ്റേഡിയത്തെ മാറ്റാൻ സാധിക്കും. സാ​ങ്കേ​തി​ക​വി​ദ്യ​ക​ൾ ഉപയോ​ഗിച്ച് മ​ട​ക്കാ​വു​ന്ന​തും നീ​ക്കം ചെ​യ്യാ​വു​ന്ന​തു​മാ​യ ഫ്ലോ​ർ, സീ​ലി​ങ്, മു​ക​ൾ മ​തി​ൽ എ​ന്നി​വ ഉ​ൾ​പ്പെ​ടു​ന്ന​താ​ണ്​ സ്​​റ്റേ​ഡി​യത്തിന്റെ രൂപരേഖ.